Beth fyddwch chi’n ei wneud?

Caru’r awyr agored? Yn ystyried gyrfa mewn cadwraeth ac angen profiad? Wedi breuddwydio erioed am swydd lle gallech chi fod ym myd natur a dysgu sgiliau newydd? Os felly, rydyn ni eisiau clywed gennych chi!

Rydyn ni’n cynnig cyfle gwych i ddau hyfforddai newydd ymuno â’n prosiect Glaswelltiroedd Gwydn yng Nghymru. Byddwch yn datblygu gwybodaeth a phrofiad ochr yn ochr â sgiliau ymarferol sy’n addas ar gyfer cyflogaeth yn y sector cadwraeth modern. Rydym yn disgwyl y byddwch yn hyfforddi ac yn gweithio gyda’ch gilydd fel hyfforddeion gyda chefnogaeth lawn staff prosiect Plantlife a’r tîm ehangach o staff.

Byddwch yn cael cyfleoedd i ddysgu sgiliau newydd fel gwaith rheoli cynefinoedd ymarferol, sut i gynnal arolygon safle ar gyfer planhigion a chynefinoedd prin, sgiliau digidol a chyfathrebu a helpu i gynnal digwyddiadau ar gyfer y cyhoedd.

Mae Glaswelltiroedd Gwydn yn brosiect partneriaeth newydd, tair blynedd, ar gyfer Cymru gyfan, sy’n cael ei gefnogi gan y Gronfa Rhwydweithiau Natur, sy’n cael ei chyllido gan Lywodraeth Cymru a’i darparu gan Gronfa Dreftadaeth y Loteri Genedlaethol mewn partneriaeth â Chyfoeth Naturiol Cymru. Mae’r prosiect yn canolbwyntio ar wella cyflwr y cynefinoedd a’r rhywogaethau sydd i’w cael mewn glaswelltiroedd gwarchodedig ledled Cymru.

Am bwy rydyn ni’n chwilio?

Rydym yn chwilio am bobl frwdfrydig o unrhyw gefndir a hoffai gyfle i ddatblygu a dilyn gyrfa yn y sector cadwraeth. Rhaid i chi fwynhau gweithio gydag eraill a dysgu oddi wrth eraill a bod â sgiliau cyfathrebu da, ar lafar ac yn ysgrifenedig. Yn fwy na dim rhaid bod gennych ddyhead i ddysgu sgiliau newydd yn yr awyr agored a bod yn barod i deithio ledled Cymru.

Nid oes angen unrhyw brofiad cadwraeth blaenorol na chymwysterau cysylltiedig â chadwraeth i wneud cais am y rôl yma. Mae’r hyfforddeiaeth yma wedi’i chynllunio i greu cyfle datblygiad proffesiynol i bobl sy’n dymuno ymuno â’r sector. Felly, dylai’r ymgeiswyr fod â llai na dwy flynedd o brofiad â thâl neu’n ddi-dâl yn y sector cadwraeth (heb gynnwys gwaith academaidd).