Come and be part of a global voice for wild plants and fungi
This autumn, help us find Britain’s most colourful and important fungi – waxcaps.
Fungi are crucial to nearly all life on Earth, but they are not given the recognition and investment they deserve. Will you join our mission to change that?
Our corporate partners benefit from 35 years of experience in nature restoration so they can achieve real impact.
Become a Plantlife member today and together we will rebuild a world rich in plants and fungi
Read in: EnglishCymraeg
Dyddiad: 24ain Mehefin
Amser: 13:00 – 15:00
Lleoliad: The Oyster Catcher, Llyn Maelog, Rhosneigr, LL64 5JP what3words.com/emphasis.prepped.afflict
Ar Ddiwrnod Twyni Tywod y Byd eleni mae cyfle i chi ddarganfod y twyni gyda Swyddog Ymgysylltu â Phobl Twyni Deinamig, Dr Hannah Lee.
Ar Ddiwrnod Twyni Tywod y Byd eleni mae cyfle i chi ddarganfod y twyni gyda Swyddog Ymgysylltu â Phobl Twyni Deinamig, Dr Hannah Lee. Mae’r daith gerdded yma’n addas i bawb, ac yn ystod y sesiwn byddwn yn archwilio twyni Tywyn Llyn, o flodau bychain y twyni i suo’r gwenyn, planhigion y draethlin a chân yr adar sy’n nythu ar y ddaear. Dewch â chi’ch hun, ffrindiau neu deulu i brofi a dathlu’r llecynnau arfordirol arbennig yma.
Bydd y sesiwn yn cael ei gynnal rhwng 13:00 a 15:00 ar 24ain Mehefin, gan gyfarfod am 12:50 ar yr ardal o laswellt gwastad yn y twyni yn union y tu ôl i The Oyster Catcher (Llyn Maelog, Rhosneigr, LL64 5JP what3words.com/emphasis.prepped.afflict)
Mae’r sesiwn am ddim, dewch â’ch lluniaeth eich hun (diodydd a byrbrydau) a gwisgwch ar gyfer y tywydd. Rydym yn argymell esgidiau cryf. Bydd lensys llaw a chanllawiau bywyd gwyllt bach yn cael eu darparu ond rydym yn eich annog i ddod â’ch sbienddrych eich hun. Mae toiledau, byrbrydau, diodydd a pharcio ar gael yn The Oyster Catcher, ond pan fydd y tywydd yn gynnes gall y maes parcio fod yn brysur felly rhowch ddigon o amser i gyrraedd.
Rhaid i bob person dan 18 oed fod yng nghwmni rhywun dros 18 oed. Yn anffodus ni allwn groesawu cŵn i’r digwyddiad yma ar hyn o bryd. Os oes gennych chi unrhyw ymholiadau am y digwyddiad, cysylltwch â Hannah.Lee@Plantlife.org.uk.
Helo! Fi yw’r swyddog ymgysylltu â phobl ar gyfer y prosiect Twyni Deinamig yng Nghymru ac efallai bod rhai ohonoch chi wedi fy nghyfarfod i neu ein myfyriwr ar leoliad ni allan ar y twyni neu mewn digwyddiad lleol yng Ngogledd Cymru yn ystod y flwyddyn ddiwethaf. Yn 2023 mae’r prosiect yn dod i ben ac rydw i’n mawr obeithio y gallwn ni ddathlu cynefinoedd rhyfeddol y twyni tywod drwy ein gweithgareddau ar Ddiwrnod Twyni Tywod y Byd.
Rydw i’n gobeithio rhannu dirgelion y twyni tywod a’r traeth gyda chi ar sail fy mhrofiad i gydag Elusen Plantlife yn ogystal â fy nghefndir fy hun mewn Bioleg Forol.
Mae gwaith Plantlife drwy’r prosiect Twyni Deinamig yn cefnogi camau cadwraeth yng Nghymru a Lloegr i wella cyflwr twyni tywod.
Byddwn yn anfon diweddariadau atoch chi ar e-bost am ein gwaith, newyddion, ymgyrchoedd, apeliadau a ffyrdd o gymryd rhan. Ni fyddwn yn rhannu eich manylion byth a gallwch optio allan ar unrhyw adeg. Darllenwch ein Hysbysiad Preifatrwydd.
