Come and be part of a global voice for wild plants and fungi
Experience the wonders of nature and its rich biodiversity through our events and activities
Help us expand our nature reserve in Dorset. Donate to help us create more space for nature.
Our corporate partners benefit from 35 years of experience in nature restoration so they can achieve real impact.
Become a Plantlife member today and together we will rebuild a world rich in plants and fungi
Read in: EnglishCymraeg
Mae Natur am Byth! yn brosiect Adferiad Gwyrdd blaenllaw yng Nghymru i achub rhywogaethau sy’n agored i niwed rhag difodiant. Bydd Plantlife yn gweithio gyda naw partner cadwraeth i gyflwyno’r prosiect.
Mae partneriaeth Natur am Byth! yn brosiect Adferiad Gwyrdd blaenllaw yng Nghymru. Mae’n uno naw elusen amgylcheddol gyda Chyfoeth Naturiol Cymru (CNC) i gyflwyno rhaglen treftadaeth naturiol ac allgymorth fwyaf y wlad i arbed rhywogaethau rhag difodiant ac i ailgysylltu pobl â byd natur.
Yn ddiweddar rydym wedi cwblhau cyfnod datblygu ar gyfer Natur am Byth! Yn ystod y flwyddyn ddiwethaf, 2022, rydym wedi datblygu cynlluniau manwl ar gyfer prosiect pedair blynedd i adfer ffawd ein rhywogaethau targed. Ar hyn o bryd rydym yn aros am benderfyniadau gan ddarpar gyllidwyr. Os bydd yn llwyddiannus, caiff y prosiect ei lansio’n llawn ym mis Medi 2023.
Rydym yn croesawu clywed gan unrhyw un a hoffai siarad â ni am y rhaglen neu ein helpu i’w llunio. Gallwch e-bostio tîm Plantlife Cymru am y prosiect ar cymru@plantlife.org.uk
Fel rhan o’n gwaith ar Natur am Byth! rydym yn canolbwyntio ar rai o’n planhigion fasgwlaidd prinnaf, bryoffytau a chennau ledled Cymru. Rydym yn canolbwyntio’n arbennig ar ddau faes prosiect o fewn y rhaglen ehangach:
Ar gyfer prosiect Tlysau Mynydd Eryri byddwn yn gweithio yn un o ardaloedd planhigion mynydd cyfoethocaf Prydain i’r de o Ucheldir yr Alban.
Cwm Idwal, Eyri © Robbie Blackhall-Miles – Plantlife
Mae ein planhigion prin ni yma dan fygythiad oherwydd:
Drwy’r prosiect byddwn yn gweithio gyda gwirfoddolwyr, tywyswyr mynydd, meithrinfeydd planhigion lleol, gerddi botaneg, rheolwyr tir ac arbenigwyr. Gyda’n gilydd byddwn yn adfywio poblogaethau o blanhigion mynyddig prin ac infertebrata. Byddwn yn dathlu’r rhywogaethau a’r tirweddau maent i’w canfod ynddynt, gan fapio gweledigaeth ar gyfer eu dyfodol.
Drwy brosiect Gororau Cymru byddwn yn gweithio yn sir wledig Powys. Yma byddwn yn canolbwyntio ar gennau prin a bryoffytau (mwsoglau a chwpanllysiau) y coed feteran (hynafol), yr allgreigiau sych a chopaon y bryniau.
Mae rhai o’r rhywogaethau hyn wedi addasu mewn gwirionedd i hinsawdd Môr y Canoldir, ac maent yn agos at derfyn gogleddol eu dosbarthiad byd-eang yng Nghymru. Fodd bynnag, rydym yn gwybod bod y cymunedau hyn mewn perygl oherwydd newidiadau i’w hamgylchedd ehangach, i’w cynefinoedd lleol, ac yn sgil ein systemau rheoli tir.
Byddwn yn gweithio gyda ffermwyr a’r gymuned leol, drwy godi ymwybyddiaeth o’r rhywogaethau prin hyn, a defnyddio technegau cadwraeth ymarferol. Byddwn yn clirio prysgwydd, ac yn plannu coed ‘feteran y dyfodol’ a all ddarparu cynefin yn ystod y blynyddoedd i ddod. Byddwn hefyd yn edrych ar fygythiadau systemig y gallai rhai o’r rhywogaethau eu hwynebu, fel llygredd nitrogen.
Gwaith arolygu yn Eryri © Lizzie Wilberforce – Plantlife
Byddwn yn anfon diweddariadau atoch chi ar e-bost am ein gwaith, newyddion, ymgyrchoedd, apeliadau a ffyrdd o gymryd rhan. Ni fyddwn yn rhannu eich manylion byth a gallwch optio allan ar unrhyw adeg. Darllenwch ein Hysbysiad Preifatrwydd.
