Twyni Crymlyn Bioblitz a Lansiad Cerflun

 Ymunwch â phrosiect Twyni Deinamig a Phrifysgol Abertawe i ddathlu lansiad cerflun newydd Porth y Twyni yn Nhwyni Crymlyn. Bydd cyfle i archwilio gyda Plantlife, Cyfoeth Naturiol Cymru, Canolfan Cofnodion Bioamrywiaeth De Ddwyrain Cymru (SEWBReC) a Buglife ar 16eg Gorffennaf am ddiwrnod o ddathlu wrth i ni dorri rhuban cerflun newydd yn y twyni. Wedi’i ddylunio gyda mewnbwn lleol, nod y cerflun yw dathlu’r amrywiaeth o blanhigion a bywyd gwyllt y mae posib eu darganfod ar y safle.

Amserlen y digwyddiad

Drwy’r dydd: O 10:00 tan ddiwedd y digwyddiad ymunwch â ni ar gyfer:

• Mwynhewch luniaeth am ddim
• Cofnodi pa fywyd gwyllt sydd i’w weld ar y twyni drwy gyfrwng bioblitz, does dim angen unrhyw brofiad – bydd yr holl gyfarwyddiadau ar gael ar y safle gan SEWBReC.
• Cymryd rhan yn ein helfa garthwr – tybed allwch chi weld pa fywyd gwyllt amrywiol sydd wedi’i gynnwys yn nyluniad y cerflun ac wedyn ewch allan i’r twyni i ddod o hyd i’r planhigion a’r bywyd gwyllt yma a thynnu llun o’ch darganfyddiadau! Bydd raffl ar gyfer yr holl helfeydd fydd yn cael eu cwblhau.

10:30 – 12:00: Cyfle i ddarganfod y twyni gyda Warden y safle, Ben Sampson, a gwirfoddolwyr lleol. Ymunwch â’r tîm am daith gerdded bywyd gwyllt gyffredinol i ddarganfod SoDdGA Twyni Crymlyn – cyfle i ddysgu sut mae twyni tywod yn ffurfio, pa blanhigion a bywyd gwyllt sy’n eu galw’n gartref a pha waith sy’n cael ei wneud i warchod y twyni tywod.

12:00 – 13:00: Rydyn ni wedi gadael rhywfaint o amser i chi fwyta eich cinio, ymlacio yn yr haul neu wneud mwy o gofnodion bywyd gwyllt. Er bod siopau ar y safle, mae’r ddarpariaeth yn gyfyngedig yn ystod yr haf, felly dewch â’ch cinio gyda chi.

13:00 – 13:30: Ymunwch â ni i ddathlu wrth i ni dorri’r rhuban ar y cerflun newydd! Rhannwch eich lluniau eich hun gyda’r hashnod #HunlunCerflun a mwynhau lluniaeth am ddim.

13:30 – 15:00: Cyfle i ddarganfod pryfed peillio’r twyni a dysgu mwy am brosiect B-Lines gydag Ai-Lin Kee o Natur ar Garreg Eich Drws. Mae’r sesiwn yma’n cael ei gyflwyno fel rhan o Brosiect B-Lines Castell-nedd Port Talbot Buglife Cymru – prosiect 3 blynedd sy’n gweithio gyda chymunedau a phartneriaid i adfer a chreu cynefin llawn blodau gwyllt o fewn rhwydwaith B-Lines, gan gefnogi pryfed peillio gan gynnwys rhywogaethau sy’n brin yn genedlaethol fel y Wenynen Hirgorn a’r Gardwenynen Feinlais.

Rhaid i bob person dan 18 oed fod yng nghwmni rhywun dros 18 oed. Mae croeso i gŵn sy’n ymddwyn yn dda ar dennyn byr. Gwisgwch esgidiau cryf os gwelwch yn dda – gall y twyni fod yn agored iawn ac rydym yn eich cynghori i wisgo haenau. Os oes gennych chi unrhyw ymholiadau am y digwyddiad, cysylltwch â Hannah.Lee@Plantlife.org.uk.

Ar gyfer yr holl weithgareddau cyfarfod ym mynedfa Sgwâr Margam Safle o Ddiddordeb Gwyddonol Arbennig Twyni Crymlyn. Mae hon wedi’i lleoli ar Ffordd Crymlyn ar Gampws Bae Abertawe